चाकण(प्रतिनिधी,योगेश गायकवाड) चाकण नगरपरिषद सार्वत्रिक निवडणूक २०२५ साठीची प्रभाग रचना अखेर जाहीर करण्यात आली आहे. राज्य निवडणूक आयोगाच्या आदेशानुसार प्रत्येक प्रभागाची लोकसंख्या, हद्दीची व्याप्ती तसेच सीमारेषांचे वर्णन असलेली अधिकृत यादी प्रसिद्ध करण्यात आली आहे. या यादीवर नागरिक, संस्था तसेच राजकीय पक्षांना हरकती व सूचना नोंदविण्याची संधी देण्यात आली असून, त्या ठराविक मुदतीत लेखी स्वरूपात सादर कराव्या लागणार आहेत.
प्रभाग रचनेचे स्वरूपनवीन रचनेनुसार चाकण नगरपरिषद क्षेत्रात एकूण १२ प्रभाग निश्चित करण्यात आले आहेत. प्रत्येक प्रभागामध्ये लोकसंख्येच्या प्रमाणात २ ते ३ नगरसेवकांची निवड केली जाणार आहे. एकूण २५ नगरसेवक निवडले जाणार असून, यामध्ये अनुसूचित जाती (SC) व अनुसूचित जमाती (ST) घटकांसाठी आरक्षित जागांचाही समावेश आहे.
प्रभाग रचनेचा तपशील—————-प्रभाग क्रमांक १ ते १२ पर्यंत सर्व प्रभागांचा लोकसंख्या तपशील, हद्दीची व्याप्ती व सीमारेषा अधिकृत पत्रकात नमूद करण्यात आल्या आहेत.या रचनेत गावठाण भागाबरोबरच नव्याने उभ्या राहिलेल्या सोसायट्यांचा समावेश करून लोकसंख्या संतुलन ठेवण्यात आले आहे.
हरकती व सूचना कशा नोंदवायच्या?————–जाहीर रचनेवर नागरिक, संस्था व राजकीय पक्ष हरकती अथवा सूचना लेखी स्वरूपात नोंदवू शकतात.या हरकती ठराविक अंतिम मुदतीत द्याव्या लागणार असून उशिरा आलेल्या अर्जांचा विचार होणार नाही.प्रभाग रचनेत सुधारणा वा बदल सुचविताना संबंधित पुरावे, नकाशे व आकडेवारी जोडणे आवश्यक आहे.प्राप्त हरकती व सूचनांचा अभ्यास करून आयोग अंतिम प्रभाग रचना जाहीर करणार आहे.
महत्त्वाचे मुद्दे———नागरिकांनी हरकत किंवा सूचना करताना ती स्पष्ट, लिखित व पुराव्यानिशी सादर करावी.प्रभाग सीमारेषा बदलण्याची सूचना करताना त्यामागील तार्किक कारणे नमूद करणे बंधनकारक राहील.हरकती नोंदविण्याची अंतिम तारीख लवकरच जाहीर होणार असून, त्याची अधिकृत माहिती नगरपरिषद कार्यालयात व प्रसारमाध्यमांतून उपलब्ध होईल.
राजकीय हालचालींना वेग—————–=चाकण परिसरातील आगामी निवडणुकीच्या पार्श्वभूमीवर ही प्रभाग रचना राजकीय दृष्टीने अत्यंत महत्त्वाची ठरणार आहे. विविध पक्ष स्थानिक पातळीवर मतदारसंघाचा अभ्यास करत असून, नवीन सीमारेषा लक्षात घेऊन पुढील रणनिती आखण्यास सुरुवात केली आहे. नागरिकही आपल्या परिसराच्या समावेशाबाबत सजग झाले असून, अनेक ठिकाणी हरकती दाखल होण्याची शक्यता व्यक्त केली जात आहे.
