बातमी24तास,(वृत्त सेवा)पुणे: पुण्यासाठी मल्टी मॉडेल लॉजिस्टिक्स पार्क (MMLPs) च्या विकासाबाबत चर्चा करण्यासाठी एआरएआय (ऑटोमोटिव्ह रिसर्च असोसिएशन ऑफ इंडिया), फोर्जिंग इंडस्ट्री डिव्हिजन, चाकण येथे एक बैठक आयोजित करण्यात आली होती.
या बैठकीला नॅशनल हायवे लॉजिस्टिक्स मॅनेजमेंट लिमिटेड (NHLML), रस्ते वाहतूक आणि महामार्ग मंत्रालयाचे वरिष्ठ अधिकारी राजेश मलिक, सीईओ, नॅशनल हायवे लॉजिस्टिक्स मॅनेजमेंट लिमिटेड (एनएचएलएमएल), सुमित कुमार, अधीक्षक अभियंता, रस्ते वाहतूक आणि महामार्ग मंत्रालय, संजीव पाटील, एनएचएलएमएल, एस.जी. पाटील, एजीएम प्रकल्प, रेल्वे, दिलीप बटवाल, सीईओ, फेडरेशन ऑफ चाकण इंडस्ट्रीज कार्यकारी अभियंता, एमआयडीसी उद्योग सदस्य आणि उद्योग सदस्य उपस्थित होते.
या बैठकीत आर्थिक व्यवहारांवरील मंत्रिमंडळ समितीने मंजूर केलेल्या MMLPs प्रकल्पावर चर्चा करण्यात आली, ज्याचा उद्देश पुण्यातील लॉजिस्टिक्स पायाभूत सुविधा वाढवणे आहे.NHAI ची १००% मालकीची कंपनी, नॅशनल हायवे लॉजिस्टिक्स मॅनेजमेंट लिमिटेड (NHLML) ला हा प्रकल्प राबविण्याची जबाबदारी देण्यात आली आहे. तळेगावमधील प्रस्तावित MMLP मध्ये एक व्यापक मास्टर प्लॅन, रस्ते कनेक्टिव्हिटी आणि रेल्वे कनेक्टिव्हिटी असेल, ज्यामुळे प्रादेशिक आर्थिक विकासाला चालना मिळेल.पुण्यात लॉजिस्टिक्स पायाभूत सुविधा सुधारण्यासाठी, आर्थिक वाढ वाढवण्यासाठी आणि स्पर्धात्मकता वाढवण्यासाठी ही बैठक एक महत्त्वपूर्ण पाऊल ठरली.