बातमी 24तास, ऑनलाईन न्यूज पोर्टल
पुणे, दि. २७: पिंपरी चिंचवड उप प्रादेशिक परिवहन कार्यालयाकडून एप्रिल महिन्यात पक्क्या अनुज्ञप्तीसाठी शिबीर दौऱ्याचे आयोजन करण्यात आले असल्याचे उप प्रादेशिक परिवहन अधिकारी यांनी कळविले आहे.पिंपरी चिंचवड उप प्रादेशिक परिवहन कार्यालयामार्फत खेड येथे १ व २ एप्रिल, मंचर येथे ८ व १० एप्रिल, जुन्नर येथे १५ व १६ एप्रिल, वडगाव मावळ येथे २२ व २३ एप्रिल तर लोणावळा येथे २९ व ३० एप्रिल या दिवशी पक्की अनुज्ञप्ती शिबीर दौऱ्याचे आयोजन करण्यात आले आहे.
पक्क्या अनुज्ञप्तीचा कोटा २८ मार्च रोजी सायंकाळी ५ वाजता उपलब्ध होणार असल्याचेही उप प्रादेशिक परिवहन अधिकारी यांनी कळविले आहे.