बातमी 24तास
(स्पेशल रिपोर्ट ) राज्य लोकसेवा आयोगाच्या स्पर्धा परीक्षेत राज्यात सहावा क्रमांक पटकाविला होता.म्हणून दर्शना ही सत्कार घेण्यासाठी ९ जून रोजी पुण्यातील स्पॉट लाईट अकॅडमी येथे आली होती. ११ जून सायंकाळी चार वाजेपर्यंत ती घरच्यांच्या संपर्कात होती. मात्र १२ रोजी दर्शनाला आम्ही दिवसभर फोन करत होतो. मात्र, तिने फोन उचलले नाहीत. म्हणून आम्ही स्पॉट लाईट अकॅडमी येथे येऊन चौकशी केली तेव्हा आम्हाला समजले की, दर्शना ही त्याचा मित्र राहुल दत्तात्रय हंडोरे याच्यासोबत सिंहगड आणि राजगड याठिकाणी फिरण्यासाठी गेली आहे. मात्र, हे दोघेही संपर्कात नाहीत आणि माघारी देखील आलेले नाहीत. म्हणून त्यांनी सिंहगड रोड पोलिसांत हरवल्याची तक्रार दिली असल्याचे दर्शनाच्या वडिलांकडून सांगण्यात आले होते. त्यानंतर १८ जूनला राजगडाच्या पायथ्याशी दर्शनाचा कुजलेल्या अवस्थेतील मृतदेह सापडून आला होता.
MPSC टॉपर दर्शना पवार हत्या प्रकरणाचा तपास करण्यात पोलिसांना अखेर यश आले. राहुलला लग्नाला नकार दिल्यानेच त्याने दर्शनाला फिरायला घेऊन जाण्याच्या बहाण्याने तिचा खून केला असल्याचे पोलिसाकडून सांगण्यात आले आहे. त्याने गुन्ह्याची कबुली दिली असून त्याला पुणे पोलिसांनी मुंबई येथील रेल्वे स्टेशन वरून ताब्यात घेतले आहे. याबाबत पोलिसांनी दिलेली माहिती अशी की, लहान पणापासून राहुल आणि दर्शना एकमेकांना ओळखत होते. राहुल याला दर्शनाशी लग्न देखील करायचे होते. राहुल हा पुण्यात डिलिव्हरीचे पार्ट टाईम काम करुन MPSC ची तयारी करत होता. दर्शना देखील MPSC ची तयारी करत होती. मात्र, दर्शना ही वनाधिकारी पदाची परीक्षा पास झाली होती. राहुलला दर्शनासोबत लग्न करायचे होते. मात्र, दर्शनाने व घरच्यांनी त्याला लग्नाला विरोध दर्शवला होता. म्हणून कदाचित राहुल याने रागाच्या भरात तिचा खून केला असल्याचा प्राथमिक अंदाज पोलिसांकडून व्यक्त करण्यात आला आहे.राहुल हांडोरे हा मूळचा नाशिक जिल्ह्यातला असून दर्शना ही अहमदनगर जिल्ह्यातील आहे. दर्शनासोबत ट्रेकिंगला गेलेला मित्र राहुल हंडोरे हा घटनेनंतर फरार झाला होता. तेव्हापासून पोलीस राहुल हंडोरेच्या मागावर होते . पुणे पोलिसांची पाच पथकं राहुल हंडोरेचा शोध घेत होती.
राहुल हंडोरे हा अनेक राज्यांमध्ये फिरत होता. मध्य प्रदेश, पश्चिम बंगाल, हरियाणा असा त्याचा प्रवास सुरु होता. मात्र, पुणे पोलिसांची पथकं त्याचा पाठलाग करत होती. अखेर पोलिसांनी त्याचं मोबाईल लोकेशन ट्रेस करुन त्याला मुंबईतून अटक केली.
माझ्या मुलीचे जसे तुकडे केले, तसे मी त्याचे तुकडे करेन. एकटीच करेन मी जशी त्याने माझ्या मुलीची हत्या केली, तशीच मला त्याची हत्या करायची आहे. मला फक्त तिला न्याय द्यायचा आहे आणि तो मीच देणार. आरोपीला फाशीचीच शिक्षा झाली पाहिजे, तो राहिलाच नाही पाहिजे. अजून १० मुलींचं पुढे नुकसान होईल. माझी तर गेली पण अजून इतरांच्या मुली जावू नये, त्याला फाशीचीच शिक्षा झाली पाहिजे, अस दर्शना ची आई सुनंदा पवार म्हणाल्या.त्यांची जास्त मैत्री नव्हती. ते फक्त अभ्यासावरुन थोडफार बोलायचे. त्याने तिला फसवून नेलं आणि मग तिचा घात केला. तसंच मी पण त्याला करेन, त्याला फक्त माझ्या ताब्यात द्या. अन्यथा त्याला फाशीचीच शिक्षा द्यायली पाहिजे, अशी संतप्त प्रतिक्रिया दर्शनाच्या आई सुनंदा पवार यांनी दिली आहे.
*🟥टाटा स्काय ची धमाकेदार ऑफर ; लगेच फायदा घ्या फक्त 1500 रु मध्ये बसवा कनेक्शन आणि महिना भर मोफत*🟥 *ज्याच्याकडे टाटा प्ले आहे आणि त्याला त्याचा पॅक चेंज करायचा आहे तर मला कॉल करा 318 मध्ये सगळे चैनल ( एचडी चॅनल) पाहायला मिळतील मला कॉल करा आणि तुमचा टाटा प्ले चा पॅकेज चेंज करून घ्या**📞अधिक माहितीसाठी आताच सम्पर्क करा:**📱9420159059**📱8796164028*…