शिक्षक नजन यांचा शिक्षक सेवानिवृत्ती निमीत्त समारोप कार्यक्रम संपन्न.

बातमी 24तास

(चाकण,सचिन आल्हाट )

पठारवाडी येथील जिल्हा परिषद प्राथमिक शाळे मध्ये 1990 ते 2010 अशी तब्बल विस वर्षे शैक्षणिक क्षेत्रात शिक्षक म्हणून सेवा देणारे शिवनाथ एकनाथ नजन यांच्या सेवानिवृत्ती कार्यक्रमानिमित्त पठारवाडी येथील शाळेतील माजी विद्यार्थी व नागरिकांनी नजन यांचा सेवानिवृत्ती समारोप कार्यक्रम आयोजित केला होता.

यावेळी वाडीतील माजी विद्यार्थ्यांनी त्यांच्या शैक्षणिक जीवनातील आठवणींना उजाळा दिला. तसेच शिक्षक नजन यांना माजी विद्यार्थ्यांशी संवाद साधताना अश्रू अनावर झाले. नजन यांचे शिक्षक म्हणून सेवा देतांना पठारवाडीतील नागरिकांशी कौटुंबिक जिव्हाळ्याचे संबंध होते. नजन हे चाकण येथील विद्याधाम कॉलनी येथे स्थायिक झाले असून त्यांचे निवृत्ती नंतरचे पुढील जीवन हे चाकण येथेच व्यथित करणार असल्याचे नजन यांनी बोलताना सांगितले. कार्यक्रम प्रसंगी पठारवाडी येथील नागरिक माजी विद्यार्थी मोठ्या संख्येने उपस्थित होते.