बातमी 24तास (वृत्त सेवा) चाकण नगरपरिषद निवडणूकीच्या पार्श्वभूमीवर येथील नगराध्यक्ष व नगरसेवकपदाचे उमेदवारांसाठी शिवसेना नेते तथा उपमुख्यमंत्री एकनाथ शिंदे यांची भव्य प्रचार रॅली (दि.१) सोमवारी दुपारी ४ वाजता होणार आहे.
या रॅली मार्ग एस टी स्टॅन्ड माणिक चौक चाकण नगरपरिषद,शनि मंदिर, बाजारपेठ, नेहरू चौक,जय महाराष्ट्र चौक,महात्मा फुले चौक येथे समारोप सभा होणार असूननगराध्यक्ष पदाचे अधिकृत उमेदवारचाकण नगरपरिषदेच्या नगराध्यक्ष पदाच्या उमेदवार मनीषाताई सुरेशभाऊ गोरे यांच्यासह सर्व प्रभागातील शिवसेनेचे अधिकृत उमेदवार उपस्थित राहणार आहेत. या सभेला खेड तालुक्यातील शिवसैनिकांनी मोठ्या संख्येने उपस्थित राहावे, असे आवाहन शिवसेना (शिंदे गट) पदाधिकाऱ्यांनी केले आहे.
चाकण नगरपरिषदेचे निवडणूक वातावरण तापू लागले असताना उपमुख्यमंत्री एकनाथ शिंदे यांची सभा राजकीयदृष्ट्या महत्त्वाची ठरणार आहे. शहरातील विविध विकासकामांचा आढावा, निवडणूक दिशा आणि उमेदवारांना दिला जाणारा पाठिंबा या विषयांवर उपमुख्यमंत्री एकनाथ शिंदे मार्गदर्शन करणार आहेत.नगरपरिषद निवडणुकीच्या पार्श्वभूमीवर राज्यातील मोठ्या नेत्याची सभा होण्याची ही पहिलीच वेळ असून आगामी राजकीय समीकरणांना दिशा देणारी ठरेल, असे बोलले जात आहे. चाकण शहरातील शिवसैनिकांमध्येही या सभेबाबत उत्सुकता असून मोठ्या प्रमाणावर उपस्थिती राहील, असा विश्वास महाराष्ट्र प्रदूषण नियंत्रण मंडळाचे नितीन गोरे यांनी व्यक्त केला आहे.