बातमी 24तास ( वृत्त सेवा ) संपूर्ण महाराष्ट्र राज्याचे लक्ष लागलेल्या चाकण नगरपरिषद निवडणूकीच्या पार्श्वभूमीवर येथील महात्मा फुले मार्केट यार्डमध्ये उद्या राष्ट्रवादी काँग्रेस पक्ष नेते तथा उपमुख्यमंत्री अजितदादा पवार यांची (दि.०१) विजयी संकल्प सभेचे आयोजन सकाळी साडे दहा वाजता केले आहे.
चाकण नगरपरिषदेच्या नगराध्यक्ष पदाच्या उमेदवार यांच्यासह सर्व प्रभागातील राष्ट्रवादी काँग्रेसचे अधिकृत उमेदवार उपस्थित राहणार आहेत.यांच्या प्रचारार्थ ही जाहीर सभा उद्या होणार असून या सभेला कार्यकर्त्यांनी मोठ्या संख्येने उपस्थित राहावे,असे आवाहन राष्ट्रवादी काँग्रेस पक्षाच्या पदाधिकाऱ्यांनी केले आहे.
चाकण नगरपरिषदेचे निवडणूक वातावरण तापू लागले असताना उपमुख्यमंत्री अजितदादा पवार यांची सभा राजकीयदृष्ट्या महत्त्वाची ठरणार आहे. शहरातील विविध विकासकामांचा आढावा,निवडणूक दिशा आणि उमेदवारांना दिला जाणारा पाठिंबा या विषयांवर उपमुख्यमंत्री अजितदादा पवार मार्गदर्शन करणार आहेत.नगरपरिषद निवडणुकीच्या पार्श्वभूमीवर राज्यातील मोठ्या नेत्याची सभा होण्याने आगामी राजकीय समीकरणांना दिशा देणारी ठरेल, असे राजकीय समीक्षकांकडून बोलले जात आहे.