प्रचार फेरीमध्ये घेतली आघाडी
बातमी 24तास (प्रतिनिधी, दीपाली नवले) अवघ्या पंधरा दिवसांवर आलेल्या चाकण शहराच्या नगरपरिषद निवडणूकीला राजकीय रंग चढू लागला असताना राष्ट्रवादी काँग्रेस पक्षाने नगराध्यक्ष पदासाठी येथील भाग्यश्री विवेक वाडेकर यांच्या नावाची घोषणा केली आहे.या निर्णयामुळे चाकणच्या राजकारणात नव्या समीकरणांना सुरुवात झाली असून महिला नेतृत्वाला प्रोत्साहन मिळाल्याची भावना व्यक्त केली जात आहे.
उपमुख्यमंत्री अजित पवार आणि माजी आमदार दिलीप मोहिते पाटील यांनी भाग्यश्री वाडेकर यांच्या उमेदवारीला संमती दिली आहे.उच्च शिक्षित, सामाजिक कार्यात सक्रिय सहभाग,नागरिकांसाठी उपलब्धता आणि संघटनशक्ती या गुणांच्या जोरावर त्यांना संधी देण्यात आल्याची माहिती चाकण शहराध्यक्ष राम गोरे यांनी दिली. “चाकणच्या सर्वांगीण विकासासाठी पारदर्शक आणि सक्षम प्रशासन देण्याचा माझा संकल्प आहे. महिलांचे प्रश्न,स्वच्छ पाणी पुरवठा,वाहतूक कोंडी, मूलभूत सुविधा आणि औद्योगिक वाढ या प्राधान्याच्या मुद्द्यांवर मी काम करणार आहे,” असे उमेदवारी जाहीर झाल्यानंतर भाग्यश्री वाडेकर यांनी सांगितले.
चाकण शहराचे माजी सरपंच कालिदास वाडेकर यांचे शहराच्या महत्वकांक्षी पाणी पुरवठा योजना प्रकल्प राबवण्यासाठी मोठे योगदान दिले आहे.नगराध्यक्ष पदाच्या उमेदवार भाग्यश्री वाडेकर या कालिदास वाडेकर यांच्या सूनबाई आहेत.राष्ट्रवादी काँग्रेसकडून महिला नेतृत्वावर ठेवलेला विश्वास आणि भाग्यश्री वाडेकर यांना महिलांचा मिळणारा प्रतिसाद यामुळे निवडणुकीत चुरस वाढण्याची चिन्हे स्पष्ट दिसत आहेत.भाग्यश्री वाडेकर या चाकण नगरपरिषद च्या होणाऱ्या निवडणुकीत नगराध्यक्ष पदाच्या उमेदवार म्हणून राष्ट्रवादी काँग्रेस अजित पवार गटा च्या अधिकृत उमेदवार म्हणून त्यांनी आपला उमेदवारी अर्ज दाखल केला आहे
नगराध्यक्षपदाचा निवडणूक लढवण्याचा उद्देश ज्यावर “निर्धार चाकणच्या सर्वांगीण विकासाचा!” असा संदेश त्यांनी आपल्या प्रचार फेरी मध्ये दिला आहे.
1 “उच्च शिक्षित,” BCA,MBA,” असणाऱ्या भाग्यश्री ताई या“जनसेविका” ही भूमिका राबवत असताना महिला भागिनी साठी”शिव स्वराज्य महिला बचत गट” चालवत असून या गटाशी संबधीत महिला वर्गाशी जिव्हाळ्याचे नाते आहे.
2. राजकीय भूमिका चाकण नगरपरिषद निवडणुक लढविण्यासाठी सक्रिय आहे आणि जनसेवा व विकासाचे त्यांनी वचन दिले आहे. त्यांचे नेतृत्व “महिला सशक्तिकरण” आणि “आपल्या चाकण शहराच्या विकासासाठी” करण्याचा दावा आहे. त्यांच्या प्रचारात “विकास” आणि “उच्च शिक्षण” हे मुख्य मुद्दे दिसतात.
3. कुटुंब व राजकीय नाते भाग्यश्री वाडेकर या चाकण चे माजी “उपसरपंच वाडेकर यांच्या सून असून या चाकण पंचक्रोशीत प्रसिद्ध असलेल्या वाडेकर कुटुंब हे गेली अनेक वर्ष राजकारणा मध्ये सक्रिय आहे. राष्ट्रवादी काँग्रेस पक्षामध्ये त्यांचा झालेला प्रवेश हा राजकीय दृष्टीने वाडेकर कुटुंबाचे स्थानिक राजकारणात एक महत्त्वाचा उभारीचा भाग असू शकतो.
4. उद्दिष्टे व वचनबद्धता प्रचारात “जनसेवा समर्थ”, “कार्यकुशल नेतृत्त्व” असे गुण सांगितले आहेत. नगरपरिषदेच्या प्रगतीसाठी ‘स्थिर विकास’ आणि ‘महिला सक्षमीकरण ’ वाढविण्याकडे लक्ष देत असल्याचा संदेश त्या आपल्या प्रचाराच्या माध्यमातून देत आहे.
