बातमी 24तास चाकण नगरपरिषद निवडणुकीत नगराध्यक्ष पदाचे उमेदवार भाग्यश्री वाडेकर यांनी प्रचारात घेतली आघाडी नगराध्यक्षपदाच्या निवडणुकीत राष्ट्रवादी काँग्रेसच्या भाग्यश्री वाडेकर यांचा प्रचार जोरदार वेगाने पुढे जात असून स्थानिक राजकारणात त्यांनी लक्षणीय आघाडी घेतल्याचे चित्र स्पष्ट होत आहे.
चाकणच्या राजकीय पटावर गेल्या दहा दिवसांत घडलेल्या बदलांकडे पाहता वाडेकर यांचा प्रचारातला झपाटा विशेष ठळकपणे जाणवतो. प्रभागनिहाय सभा, सायंकाळी आयोजित होणाऱ्या कोपरा–सभांपासून ते सकाळच्या घरदार संपर्क अभियानापर्यंत त्यांच्या वेळापत्रकात क्षणाक्षणाला गती आहे. स्थानिक स्वयंसेवकांचा वाढता सहभाग आणि युवकांचा उत्स्फूर्त प्रतिसाद यामुळे संपूर्ण तालुक्यात त्यांच्या प्रचाराची लाट निर्माण झाल्याचे पक्षातील सूत्रांचे म्हणणे आहे.महिला मतदारांचा वाढता पाठिंबाभाग्यश्री वाडेकर यांच्या प्रचारातील सर्वात महत्त्वाची बाजू म्हणजे महिला मतदारांचा प्रचंड प्रतिसाद. शहरातील महिला बचतगट, उद्योजिका आणि स्थानिक संस्थांच्या बैठकीत वाडेकर यांनी मांडलेल्या सुविधा, सुरक्षितता आणि ‘शहर विकास–महिला सक्षमीकरण’ या दुहेरी ध्येयधोरणाला चांगल्या प्रतिक्रिया मिळत आहेत. अनेक ठिकाणी महिलांनी स्वयंस्फूर्तीने प्रचारात सहभाग घेतल्याचे दिसले.पदयात्रांना मोठी गर्दी पहाटेच्या पदयात्रा, बाजारपेठ भेटी आणि मालक-मजूर चर्चासत्रे यांमुळे वाडेकर यांचा संपर्क थेट मतदारांपर्यंत पोहोचतो आहे. सुटसुटीत संवादशैली आणि “विकास हेच प्राधान्य” या भूमिकेमुळे अनेक तटस्थ मतदारांमध्येही त्यांच्या बाजूने कल वाढत असल्याचा अंदाज व्यक्त केला जात आहे.